Mallin e krenarinë për ushtar Kavajën, Dorjan Cara i rrëfen para lapidarit të tij në Gallushë të Suharekës. Në vendin ku në përballjen me forcat serbe ai ra heroikisht. E shokët e luftës tregojnë për cilësitë e tij prej ushtari.
Nga Kavaja mori rrugën për në Suharekë.
E para lapidarit të vëllait, Indrit Carës po çmallet me kujtimet e vjetra.
25 vite pas rënies së tij, Dorjan Cara kujton vendimin e ushtar Kavajës për t’iu bashkuar Ushtrisë Çlirimtare të Kosovës.
“Kam ndejt i heshtur dhe pastaj kam thënë ‘’dëgjo, nëse ti e ke vendosë, qoftë për mbarë dhe Zoti ta bëftë rrugën e lehtë’’ dhe e kemi lënë me aq. Di se gjithë nuk nuk kam bërë gjumë duke menduar për atë por ai e kishte vendosur…”, thotë Dorjan Cara, vëllai i komandat Kavajës.
Mirëpo krenarinë e mallin për të vëllain e ndjen çdo ditë.
“Nuk kemi pas qenë vetëm vëllezër por edhe si shokë. Edhe më mungon prania, më mungon këshilla, më mungon këshilla, më mungon çdo gjë”, shprehet ai.
E për cilësitë e tij si luftëtar i tregon Komandanti i Forcës së Sigurisë së Kosovës, Enver Cikaqi.
“Indriti gjatë gjithë kohës ka shpërfaqë një luftëtar të devotshëm, luftëtar që ka njoftë taktikën në teren dhe po ashtu edhe ka shfaq edhe dashuri e respekt për secilin prej nesh”, thotë gjeneralmajor Enver Cikaqi.
Kurse bashkëluftëtari i tij, Faik Berisha kujton ndër bisedat e para me ushtar Kavajën.
E pyetshim prej nga është, me një buzëqeshje të lehtë më tha jam kosovar. E unë e kuptova i thashë nuk je kosovar, e më pas më ka tregu ardhjen e tij nga Anglia, tregon Berisha.
Indrit Cara ra heroikisht në pranverën e vitit 1999, gjatë luftimeve me forcat serbe në Gallushë të Suharekës.
