Ministri i Financave, Punës dhe Transfereve, Hekuran Murati, menaxheri i projektit Fit for Jobs, Tobias Seiberlich dhe drejtoresha e Agjencisë së Punësimit të Republikës së Kosovës, Jehona Rexha takuan sot përfituesit nga skema e kuponëve për trajnim në teknologji informative.
Në kuadër të kësaj skeme, të rinjtë kanë përfituar kuponë trajnimi në fusha të ndryshme të teknologjisë informative nga marketingu, dizajni e deri te programi e rrjetet kompjuterike.
“Ministri Murati ritheksoi mbështetjen e Qeverisë në ngritjen e kapaciteteve për tranzicion më të lehtë nga edukimi në punësim”, thuhet në komunikatë të MFPT.
Ndërkohë, Tobias theksoi bashkëpunimin e suksesshëm në mes të GIZ dhe Ministrisë së Financave, Punës dhe Transfereve në zbatimin e një sërë politikash, me qëllim aktivizimin e të rinjve në tregun e punës.
“Drejtoresha Rexha ftoi të rinjtë që të regjistrohen në zyret e punësimit në komunat e tyre, ashtu që të mund të përfitojnë nga ofertat e ndryshme nga Agjencia e Punësimit”./teve1.info/
