Presidentja e Republikës së Kosovës, Vjosa Osmani ka pranuar një telegram urimi për 16 vjetorin e pavarësisë nga Presidenti i Shteteve të Bashkuara të Amerikës, Joseph R.Biden Jr., raporton teve1.info
Sipas njoftimit të Presidencës së Kosovës, Biden e ka konfirmuar se Kosova dhe Shtetet e Bashkuara të Amerikës ndajnë miqësi dhe partneritet të qëndrueshëm.
“Me këtë rast, Presidenti Biden ka konfirmuar se Kosova dhe Shtetet e Bashkuara ndajnë një miqësi dhe partneritet të qëndrueshëm të përforcuar nga vizioni i përbashkët për një rajon më paqësor, më të sigurt dhe më prosperues”, thuhet në njoftimin e Presidencës së Kosovës.
