Një 12 vjeçare në Komunën e Fushë Kosovës e cila është e komunitet ashkali ka vendosur që të braktisë mësimin në klasën e gjashtë. Kjo pasi ajo thotë se nxënësit e klasës e kishin bullizuar për shkak se nuk dëgjonte mirë. Por njëjtë nuk thonë nga shkolla “Selman Riza” shkollë kjo në të cilën ishte duke ndjekur shkollimin kjo vajzë. Ata thonë se arsyet që kjo vajzë e ndërpreu shkollimin ishin pasi familja ka vendosur të largohet për në Gjermani.
Për pesë vjet ishte ulur në këto banka shkollore.
Por nga shtatorit shtëpia e cila gjendet jo shumë metra larg nga qendra e Fushë Kosovës, i është kthyer në vendin e vetëm ku e kalon kohën.
12-vjeçarja e cila vjen nga komuniteti ashkali ka vendosur që të mos vijojë më shkollimin në shkollën Selman Riza në Fushë Kosovë.
Pasi ajo thotë se ishte bullizuar për shkak të disa problemeve me dëgjim.
“Jam kon në klasën e pestë, por mo nuk kamë dëshirë më shku, kam qenë e sëmurë prej veshëve nuk kam degju mirë, tani me kanë përqeshe dhe skam dasht me shku mirë, është shprehur vajza S.B.
S.B e cila ka vendosur të jetë anonime u shpreh se kthimin në bankat shkollore nuk e sheh si opsion, derisa tregon se a kishte presione nga familjaret për të lenë mësimin në gjysmë.
“Por njëjtë nuk thotë drejtori i shkollës “Selaman Riza”, Esad Seminca”, ka deklaruar ajo.
Ai thotë se arsyeje pse e braktisi shkollën, kjo 12 vjeçare ishin krejt të tjera.
Por drejtori i kësaj shkolle para kamerës së Tëvë1, premtoi se personalisht do të merret me rastin.
E jo vetëm kjo 12 vjeçare, nga komuniteti ashkali në Fushë Kosovë, këtë vit e braktisën mësimin edhe dy nxënëse të tjera.
Nga Komuna e Fushë Kosovës tregojnë arsyet se pse po fëmijët po braktisin shkollimin.
E njohësi i arsimit, Rinor Qehaja, thotës se numri i braktisjeve ndër vite nuk është duke u ulur.
Shkollimi i detyruar në Kosovë sipas ligjit për shkollimin paraunivesitar fillon nga klasa e parë deri në klasën e nëntë.
