Profesor i Marrëdhënieve Ndërkombëtare në Universitetin Westminster, Aidan Hehir, tha se është e padrejtë pse Kosova është nën sanksione të Bashkimit Evropian e jo Serbia, derisa tha se miku i presidentit serb është zënë me armë në dorë duke e sulmuar policinë e Kosovës, raporton teve1.info
Në një intervistë në emisionin “Këndi i Debatit” në Tëvë1, Hehir tha se pse Kosova është nën sanksione e jo Serbia, duhet të pyetet Kosova, pasi sipas tij çdo herë Kur Qeveria e Kosovës e ka shtru sovranitetin ë veri, ka pas reagime ndërkombëtare.
“Duhet ta pyesni veten pse? A është kjo e pazakontë? Përgjigja në pyetjen e dytë është jo nuk është e pazakontë. Çdo herë viteve të fundit kur Qeveria e Kosovës ka provuar të shfaq sovranitetin në veri disa pjesëtarë të komunitetit ndërkombëtar janë ankuar që do të sjellë destabilizim, që kjo të ketë probleme e gjëra të tjera. Kjo nuk është e vërtetë. Kosova e ka të drejtën dhe nëse Franca, Mbretëria e Bashkuar e njohin Kosovën dhe e njohin, kjo nënkupton që ato duhet ta pranojnë sovranitetin e Kosovës. Dhe nëse Kosova po e shtron sovranitetin e brendshëm, atëherë s’po bën gjë të keqe. Standardet e dyfishta që po bëhen në këtë rast janë të pabesueshme. Zgjedhjet e fundit në Kosovë ishin të qeta dhe u konsideruar të lira dhe korrekte. Zgjedhjet e fundit në Serbi u kritikuan nga ndërkombëtarët si të padrejta. Pse nuk po qortohet Serbia për këtë. Pse Kosova është nën sanksione? E vetmja palë në këtë dialog që ka përdorur forcë në mënyrë jolegjitime është Serbia. Janë përfaqësuesit e Serbisë në Kosovë, nënkryetari i Listës Serbe që është zënë me armë në dorë duke gjuajtur mbi policët e Kosovës”, ka thënë ai.
