Policia e Kosovës i ka bastisur të premten pronat e dy ish zyrtarëve të Komunës së Mitrovicës, Faruk Mujka e Hysen Muzliukaj, me dyshimin për korrupsion, ku edhe kishin konfiskuar 60 mijë euro, raporton teve1.info
Sipas raportit të Policisë, gjatë bastisjes së pronave të të dyshuarve, përveç parave të gatshme, zyrtarët policor kanë konfiskuar edhe 2 telefona, 3 lap-top-a, një USB dhe disa dokumente tjera të cilat lidhen me veprën për të cilën dyshohen.
Sipas raportit policor, rasti është cilësuar si keqpërdorim i pozitës zyrtare ndërsa bastisja ka ndodh në jug të Mitrovicës.
“Mitrovicë Jug (NN) 25.04.2023-08:00-16:00. Më 14.07.2023 janë arrestuar dy të dyshuar meshkuj kosovarë me dyshimin se të njëjtit kanë kryer veprën penale të lart-cekur. Gjatë kontrollit në shtëpitë dhe banesat e të dyshuarve si prova materiale janë konfiskuar: 60.000 euro, 2 telefona, tre llap-topa , një USB dhe dokumente tjera të ndryshme lidhur me rastin. Pas intervistimit me vendim të prokurorit dy të dyshuarit janë dërguar në mbajtje”, thuhet në komunikatë.
