Sipas një njoftimi për medie nga kjo shoqatë, Bidenit i është dhuruar edhe një komplet i veshjeve kombëtare për femra si dhe disa kartolina.
“Populli Kosovës i dërgon dhuratë veshjen tonë nacionale për meshkuj dhe plis/qeleshe Presidentit të SHBA, SH.T. Joe Biden dhe një komplet veshje për femra zonjës së parë Dr. Jill Biden me urimet më të mira për fundvit.
Media të nderuara ju njoftojmë se para disa dite i kam dërgua në adresë të Shtëpisë së Bardhë, Washington DC nga një komplet veshje tonë nacionale për meshkuj me plis/qeleshe dhe një komplet veshje tonë nacionale për femra”, thuhet në njoftim.
Po ashtu, sipas shoqatës, lajmi nuk është publikuar më herët për shkaqe sigurie.
“Nuk e kam publiku lajmin deri sot, për shkaqe sigurie dhe derisa kam kuptua që pakoja ka arrit në SHBA”, thuhet në njoftim.
“Së bashku me veshjet i kam dërgua disa lloje posterësh e kartolina ku është edhe fotoja e Presidentit Joe Biden dhe disa fletëpalosje me aktivitete tona.
Po ashtu, ia kam dërgua një letër përshëndetëse e falënderimi për veprimet e tija të bëra ndaj nesh e urimi për festat e fundvitit”, njofton shoqata “Miqtë e Amerikës”.
Letra e dërguar nga “Miqtë e Amerikës”:
I dashuri President Joe Biden
Duke qenë përjetësisht falënderues për veprimet e shumta që Ju keni bërë për shtetin e kombin tim në pozicionin e Senatorit, Nënpresidentit e tash si President I SHBA, dhe duke qenë falënderues ndaj Institucioneve të SHBA, për fundvit po ua dërgoj dhuratë Juve e zonjës së parë znj. Jill veshjen tonë nacionale që ka traditë mijëra vjeçare.
Me këto veshje paraardhësit e mi shqiptar kanë punu, janë rritë e zhvillu dhe kanë luftu për me mbrojt pragun e shtëpisë – vatrat stërgjyshore nga agresorët e shumtë.
I dashur President unë por edhe pjesëtarët e kombit tim janë falënderues për rezolutën që Ju e Senatori tashme i ndjere John McCain e keni inicuar SJ 20. Kjo rezolutë ka qenë një stimulim shumë I madh shpirtëror për kombin tim njëkohësisht ky ishte mesazhi I madh që SHB-në e kemi fuqishëm me ne. Z. President këto dhurata po ua dërgojmë së bashku me një pjesë të shpirtit tonë, me disa poster ku jeni edhe Ju e letër përcjellëse, ngase Ju keni dëshmu se jeni personalitet që nuk e duron dhunën, segregacionin, vrasjen e ushtrimin e terrorit e gjenocidit ndaj popujve të shtypur…
Veshjet mi sollën dhuratë miqtë Isak e Ismet Islami.
Agim Rexhepi
Kryetar I Shoqatës “Miqtë e Amerikës””, thuhet në letrën dërguar presidentit Joe Biden.
