Qeveria e Republikës së Kosovës ka mbajtur mbledhje elektronike ku ka miratuar pesë pika të rendit të ditës, raporton teve1.info
Sipas një komunikate për medie të Qeverisë, në këtë mbledhje është miratuar nisma për marrëveshjen e kredisë në mes të Kosovës dhe Gjermanisë për “Programin e Energjisë Solare-Solar4KosovoI.
Po ashtu është miratuar edhe marrëveshja për Grantin në mes të Kosovës dhe Gjermanisë për këtë projekt.
Ndërsa si pikë të rendit të ditës ekzekutivi e ka miratuar edhe vendimin për shpronësim të pronave të paluajtshme të cilat preken nga projekti “Renovimi dhe Rikonfigurimi i Stadioumit Olimpik ‘Adem Jashari’ në Mitrovicë”.
“Qeveria e Republikës së Kosovës ka zhvilluar mbledhjen e radhës, në mënyrë elektronike, në të cilën ka miratuar: Nismën për lidhjen e Marrëveshjes së Kredisë ndërmjet Republikës së Kosovës, e përfaqësuar nga Ministria e Financave, Punës dhe Transfereve, Korporata Energjetike e Kosovës (KEK) Sh. A. dhe KfW, Frankfurt am Main për Projektin “ Programi i Energjisë Solare (Solar4KosovoI) – Fotovoltaike.
– Nismën për lidhjen e Marrëveshjes së Grantit ndërmjet Republikës së Kosovës, e përfaqësuar nga Ministria e Financave, Punës dhe Transfereve, Korporata Energjetike e Kosovës (KEK) Sh. A. dhe KfË, Frankfurt am Main për Projektin “ Solar4Kosovo – Centrali Fotovoltaik”.
– Nismën për lidhjen e Marrëveshjes për Ndihmë të Ndërsjellë Juridike në Çështjet Penale ndërmjet Qeverisë e Republikës së Kosovës dhe Qeverisë së Mbretërisë së Belgjikës.
– Vendimin për të kërkuar nga Presidentja e Republikës së Kosovës, dhënien e Autorizimit për Ministrin e Financave, Punës dhe Transfereve për nënshkrimin e Marrëveshjes së Bashkëfinancimit ndërmjet Republikës së Kosovës e përfaqësuar nga Ministria e Financave, Punës dhe Transfereve dhe Qeverisë së Konfederatës Zvicerane, e përfaqësuar nga Sekretariati Shtetëror për Çështje Ekonomike për Projektin “Qëndrueshmëria Klimatike në Sektorin e Ujit në Kosovë”.
– Vendimin Përfundimtar për shpronësim për interes publik të pronave të paluajtshme të cilat preken nga realizimi i Projektit: Renovimi dhe Rikonfigurimi i Stadiumit Olimpik “Adem Jashari” në Mitrovicë”, thuhet nw komunikatën e Qeverisë.
