Prokuroria Themelore në Prishtinë ka bërë të ditur se është iniciuar rast ndaj profesorit të Universitetit të Prishtinës, Xhevat Krasniqi, në drejtim të veprës penale “Ngacmim seksual”.
Kështu ka konfirmuar për Tëvë1, zëdhënësja e Prokurorisë, Laureta Ulaj, e cila tha se Policia është autorizuar për të ndërmarrë veprimet hetimore.
“Prokuroria Themelore në Prishtinë, sipas detyrës zyrtare ka iniciuar rast në drejtim të veprës penale ‘ngacmimi seksual’. Ashtu siç iu kemi njoftuar, Prokuroria Themelore në Prishtinë ka autorizuar policinë në ndërmarrjen e veprimeve hetimore, me qëllim të grumbullimit të provave dhe informatave lidhur me këtë çështje”, tha ajo.
Derisa theksoi se në kuadër të hetimeve janë duke u marrë edhe deklarata të personave të përfshirë në këtë rast./teve1.info./
