Kryeprokurori i Prokurorisë, Speciale, Blerim Isufaj, ka thënë se javën e ardhshme do ta intervistojnë deputetin Haki Abazi,i cilit enjten në një konferencë për media tha se ka video-incizime që dëshmojnë se kush i ka zhdukur mostrat e Astrit Deharit.
Isufaj tha se kryeministri Kurti nuk do të ftohet në këtë fazë,ashtu siç kërkoi Abazi
“Do t’i ndërmarrin të gjitha veprimet e nevojshme ligjore për secilin. Vendi për të dëshmuar është këtu dhe do ta thërrasim atë (Haki Abazin) të hënën. Kryeministrin nuk do ta ftojmë njëherë, por deputetin Abazi. Për momentin vetëm atë”, tha Isufaj për teve1.info.
Deputeti i VV-së, tha se ekzistojnë video-incizimet që tregojnë se kush i ka zhdukur këto mostra.
“Video -incizimet janë ato të cilat ju duhet t’i kërkoni për të konfirmuar se kush ka zhdukur mostrat e Astrit Deharit”, tha Abazi.
