Kjo ka bërë që shumë nxënës të mbesin në shtëpi.
E kërkesa e SBASHK-ut nuk është marrë parasysh nga Qeveria, duke thënë se Ligji për Paga është në konsultim publik, ku janë paraparë rritje të pagave për mësimdhënësit.
Madje nga Qeveria kanë bërë thirrje që greva në arsim të ndërpritet dhe mësimi të nis sot më 1 shtator.
Ministrja e Arsimit, Arbërie Nagavci të mërkurën në një konferencë për medie tha se shumë shkolla nuk i janë përgjigjur thirrjes për grevë.
Por, e shpejtë ka qenë përgjigja e kreut të SBASHK-ut, Rrahman Jashari, i cili të mërkurën u tha prindërve s’kanë pse i dërgojnë fëmijët në shkollë.
Ministri i Financave, Hekuran Murati, ka paralajmëruar pezullim në pagë për të gjithë shërbyesit publik që marrin pjesë në grevë. Ai këtë e ka arsyetuar duke u thirr në Ligjin për Greva./teve1.info/
