Nga Qendra Emergjente e QKUK-së kanë thënë se e lënduara do të dërgohet pr trajtim të mëtejmë në shërbimin intensiv.
Mjeku kujdestar, Naser Syla tha se e lënduara është në gjendje shumë të rëndë.
“Gjer tani i kemi kryer analizat dhe ekzaminimet e nevojshme në Qendrën Emergjente. Gjendja e pacientes për momentin është e rëndë, është tejet e rëndë, është rrezik i lartë për jetë dhe sipas rezultateve të analizave tona mjekimi i mëtutjeshëm i saj do të vazhdon në mjekimin intenziv qendror në QKUK”, tha Syla.
Detaje për rastin dhanë edhe nga Policia e Kosovës.
Organi i ruajtjes së sigurisë publike tha se shkaktari i aksidentit kishte iku nga vendi i ngjarjes
“Rreth orës 11:10, në rrugën Prishtinë – Fushë Kosovë, ka ndodhur një aksident trafiku ku është përfshirë një automjet në lëvizje dhe një këmbësore. Si pasoj e aksidentit lëndime trupore ka pësuar këmbësorja e cila është dërguar për tretman mjekësor. Me rastin po merret njësiti i trafikut, të cilët përveç që po hetojnë rrethanat e këtij aksidenti, janë duke punuar në identifikimin e personit/ ngasësit të automjetit të përfshirë në aksident, pasi që i njëjti ka ikur nga vendi i ngjarjes”, tha Ahmeti.
Sipas të dhënave të Policisë së Kosovës vetëm gjatë marsit kanë ndodhur mbi një mijë e 300 raste ku dy prej tyre kanë përfunduar me fatalitet.
Kronika e realizuar nga Gojar Jashari
