Zëvendëskryeministri Besnik Bislimi ka deklaruar se Kosova ka treguar konstruktivitet në procesi ne dialogut duke theksuar se e kanë pranuar propozimin e evropian për normalizimin e marrëdhënieve me Serbinë, plan ky që sipas tij do të fillojë të zbatohet së shpejti. Në Komitetin për Politikë të Jashtme të Parlamentit Evropian, Bislimi ka thënë se në Kosovë nuk do të ketë asociacion një etnik.
“Asociacioni duhet të jetë në përputhje me ligjet e Kosovës, duhet të jetë në përputhje me qëndrimet e BE-së se nuk mund të ketë fuqi ekzekutive, siç është thënë në letrën që ish-Përfaqësuesja e Lartë, Federika Mogherini, ia kishte dërguar atëbotë kryeministrit të Kosovës. Së treti, që Asociacioni të mos paraqesë nivelin e tretë të pushtetit”, ka thënë ai.
Për Asociacionin, Bislimi ka theksuar se nuk nënkupton autonomi territoriale por vetëm organizatë joqeveritare.
Javë më parë kryeministri i Kosovës, Albin Kurti në Kuvendin e Kosovës kishte propozuar gjashtë kushte për themelimin e Asociacioit.
Bislimi ka thënë se Kosova ka treguar konstruktivitet në procesin e dialogut duke theksuar se janë pajtuar me propozimin evropian për normalizimin e marrëdhënieve me Serbinë./teve1.info/
