Një person ka vdekur në QKMF-në e Malishevës pasi dyshohet se është qëlluar me armë zjarri.
Këtë e ka bërë të ditur për tëvë1.info, zëdhënësi i Policisë për Rajonin e Gjakovës, Sheremet Elezi.
Sipas tij, viktima është dërguar fillimisht në QKMF në Malishevë teksa vdekjen e tij e ka konstatuar personeli mjekësor.
Tutje Elezi tha se Policia është në kërkim të të dyshuarit/ve.
“Atë që mund t’ju konfirmoj në këto momente është se sot rreth orës 13:30 kemi pranuar informatë se një person mashkull i moshës madhore është dërguar në QKMF Malishevë, dyshohet të jetë qëlluar me armë zjarri. Personeli mjekësor atje ka konstatuar vdekjen e tij. Në këto momente jemi në kërkim të të dyshuarit/ve. Njësitet e nevojshme policore ju kanë përgjigjur rastit si dhe është njoftuar prokurori i shtetit në konsultim me të cilin janë duke u ndërmarrë të gjitha veprimet e nevojshme hetimore”, tha ai./teve1.info./
