Sa herë që paraqitet nevoja për reagimin e tyre, janë të gatshëm t’u përgjigjen thirrjeve të qytetarëve.
Por zyrtarët policorë në stacionin policor në Lipjan, mesatarisht vonohen në reagimin e tyre në thirrjet e qytetarëve deri në 18 minuta.
Kjo për shkak se sipas informacioneve që i ka tëvë1 nga burimet, ky stacion policor i ka në dispozicion vetëm dy vetura të njësive reaguese.
Për këtë, është në dijeni edhe drejtori rajonal i Policisë në Prishtinë, Basri Shabani, i cili thotë se do të jap maksimumin e tij që ky numër të rritet.
E mungesa e kushteve të punës është shqetësuese edhe për Sindikatën e Policisë së Kosovës.
Kryesindikalisti, Imer Zeqiri thotë se kjo ndikon direkt në ushtrimin e detyrave të këtyre zyrtarëve policorë.
Sipas tij, probleme të tilla ka edhe në stacione policore në gjithë vendin, e që kërkon që këto kushte të përmirësohen.
Televizioni ka tentuar gjatë ditës të marrë një sqarim nga Policia e Kosovës se a është duke u punuar që stacionet policore të pajisen me vetura të ndryshme, por që nuk ka pasur përgjigje.
