Komuna e Prishtinës ka njoftuar se nga data 31 maj deri më 4 qershor 2023, do të mbyllet rruga “Xhorxh Bush” nga udhëkryqi i “Bill Klinton”, deri në udhëkryqin e rrugës “Garibaldi”.
Sipas tyre, kjo po bëhet për arsye të organizimit të aktiviteteve të shumta gjatë muajit qershor, përcjell teve1.info.
“Festat e qershorit po afrojnë. Komuna e Prishtinës po fillon përgatitjet për organizimin e aktiviteteve të . shumta, andaj ju njoftojmë se rruga “Xhorxh Bush”, duke filluar nga udhëkryqi i “Bill Klinton” deri në udhëkryqin e rrugës “Garibaldi”, do të jetë e mbyllur edhe për transportin publik dhe mjetet tjera motorike nga data 31 maj 2023, deri më 4 qershor 2023. Ju falënderojmë për mirëkuptim”, thuhet në postimin e tyre./teve1.info/.
