Ambasadori i Gjermanisë në Kosovë, Jorn Rohde, ka reaguar pas publikimit të indeksit vjetor për lirinë e medias nga Reporterët pa Kufij, ku Kosova renditet si vendi i 75-të në botë, me një rënie prej 19 vende.
Rohde ka shkruar se mediet përmenden si shtylla e katërt e demokracisë, teksa ka shtuar se ato duhet të mbrohen e jo të kontrollohen.
“Mediat shpesh përmenden si shtylla e katërt e demokracisë dhe duhet të mbrohen, jo të kontrollohen. Në media ka një pozicion të mirë në krahasimin rajonal. Megjithatë, raporti i sapo publikuar nga @RSF_inter tregon një rënie alarmante me 19 vende që nga viti i kaluar. Nevojitet një kthesë!”
Organizata “Reporterët pa Kufij” në raportin më të ri e ka renditur Kosovën në vendin e 75 në botë sa i përket lirisë së shtypit.
Sipas kësaj organizate, situata politike në Kosovë është bërë gjithnjë më e tensionuar dhe e paqëndrueshme, si pasojë përafrimit të Serbisë fqinje me Bashkimin Evropian, gjë që e la Qeverinë e Kosovës në izolim diplomatik./teve1.info/.
Media is often referred to as the 4th pillar of democracy & must be protected, not controlled. In 🇽🇰, media has a good standing in regional comparison. However, the freshly published report by @RSF_inter shows an alarming drop by 19 places since last year. Turnaround needed! pic.twitter.com/PyHjDQoAMQ
— Ambassador Jörn Rohde (@GermanAmbKOS) May 3, 2024
