Analisti politik, Shkodran Ramadani, ka akuzuar kryeministrin e Kosovës, Albin Kurti se me marrëveshjen e Ohrit, Serbinë e ka bërë hisedare në formimin e Asociacionit.
Ai ka thënë se një gjë e tillë nuk ishte paraparë me marrëveshjet e vitit 2013 dhe 2015.
“Kosova është zotu se do ta formojë Asociacionin dhe do të bëhet bashkë me Serbinë. Në marrëveshjen e Ohrit, Serbia është bërë pjesë hisedare e formimit të Asociacionit”, ka thënë ai.
Ramadani në emisionin “InfoNata” në Tëvë 1 ka thënë se me draftin e Asociacionit të propozuar nga BE të cilin e ka pranuar Kurti, rezoluta 1244 e UNMIK-ut është bazë juridike për Asociacionin.
“Me pranimin e ‘Zajednciës’ që do të ketë kompetenca më shumë se që ka pasur në vitin 2013 e 2015.. Në draftin që e ka prezantuar ndërmjetësues e që Kurti e ka pranuar me pak vërejtje shihet që aty përmendët 1244 si bazë për natyrën juridike të ‘Zajednicës’ që është shumë keqe për Kosovën”, ka thënë ai.
Për draftin e Asociacionit, Kurti kishte thënë se është më i avancuar se ata sipas marrëveshjes së vitit 2013 dhe 2015 dhe se vlerësimin e fundit do e thotë Gjykata Kushtetuese.
