Video e Kryeziut fillimisht u nis me mbajtjen e Samitit të Berlinit, ku përmendi edhe njëherë marrëveshjet e nënshkruara aty.
“Në javën e parë të muajit nëntor u mbajt Samiti i Berlinit, aty u nënshkrua marrëveshja për lëvizje të lirë me letërnjoftime në të gjashtë shtetet e Ballkanit Perëndimor, për njohjen e diplomave universitare dhe për njohjen e tri profesioneve”, tha Kryeziu.
Të rëndësishme konsideroi edhe dy fitoret në Gjykatën e Arbitrazhit, ku njëherit theksoi fitoren e Telekomit të Kosovës ndaj padisë që rrezikonte humbjen prej 10 milionë euro.
“Falë fitoreve në Arbitrazh, në më pak se 3 muaj, buxhetit të vendit i janë shpëtuar rreth 100 milionë euro”, deklaroi Kryeziu.
Nuk la pa përmendur edhe ekzekutimin e shtesave prej 50 euro për sektorin publik si dhe zgjerimin e skemës për shtesa për fëmijët e lindur nga viti 2010.
Madje sipas tij, gjatë muajit nëntor, mbështetja ndaj fermerëve ishte më e larta ndonjëherë.
“Proceduam për pagesa edhe 1.7 milionë euro për sasinë e dorëzuar të grurit, duke e çuar në 51.7 milionë euro mbështetjen për fermerët më të lartën ndonjëherë”, u shpreh ai më tej./teve1.info/.
