Policia ka arrestuar dy persona të dyshuar për vrasjen “Vrasje në tentativë” në rrugën “Bajram Bahtiri” në Prishtinë.
Këta të fundit, me aktvendim janë dërguar në qendrën e mbajtjes prej 48 orësh, për tu proceduar më tutje.
“Prishtinë, 01 mars 2023 – Sot nga hetuesit e njësisë së hetimeve të përgjithshme të rajonit të Prishtinës janë arrestuar dy persona të dyshuar për rastin “Vrasje në tentativë” të ndodhur më datë 13.01.2023, në rrugën “Bajram Bahtiri” në Prishtinë. Ndërkohë që janë kryer veprimet hetimore të kësaj faze në drejtim të veprave penale “Vrasje në tentativë” si dhe” Mbajtje në pronësi kontroll ose posedim të pa autorizuar të armës”, të dyshuarit. Me aktvendim mbi ndalimin e personit të dyshuar të nxjerrë nga ana e prokurorit të shtetit, janë dërguar në qendrën e mbajtjes prej 48 orësh, për tu proceduar më tej”, thuhet në njoftimin e policisë.
Derisa të dyshuarit janë 23 dhe 32 vjec shtetas të Republikës së Kosovës, raporton teve1.info.
“Pjesë e operacionit policor për arrestimin e të dyshuarve ishin edhe tri bastisje të kryera në tri lokacione të ndryshme të piketuara si vendndodhje e të dyshuarve”, thuhet tutje./teve1.info/.
