Kjo përgjigje e ministrit Peci erdhi pasi deputeti i AAK-së, Bekë Berisha, e parashtroi pyetjen ndaj tij se kur do bëhet kompensimi për dëmet e shkaktuara nga breshëri në Kosovë.
“Ministria e Pylltarisë, Bujqësisë dhe Zhvillimit Rural, në konsultim me të gjitha komunat e Republikës së Kosovës, ka përgatitur dhe aprovuar një udhëzues për kushtet, kriteret dhe procedurat për kompensimin e dëmeve të shkaktuara nga fatkeqësitë natyrore në fushën e bujqësisë. Në analizën e bërë nga Ministria e Bujqësisë dhe pas përfundimit të punës, ministria ka proceduar kompensimin e dëmeve me vendim të Qeverisë, për 22 komuna”, deklaroi kështu Peci para deputetëve.
Teksa tregoi se të përfshira janë komuna e Deçanit, Drenasit, Ferizajt, Gjakovës, Gjilanit, Istogut, Junikut, Kamenicës, Leposaviqit, Lipjanit, Malishevës, Mitrovicës, Novobërdës, Obiliqit, Pejës, Podujevës, Prishtinës, Rahovecit, Shtimes, Skenderajt, Vitisë si dhe komunën e Vushtrrisë./teve1.info/.
