Presidentja e Kosovës, Vjosa Osmani, e cila po qëndron në New York ku do të mbahet sesionit të 78-të të Asamblesë së Kombeve të Bashkuara, ka thënë se është e rëndësishme që Kosova të ketë mundësi të jetë prezente në organizimet ku pjesëmarrës janë liderët botëror.
Osmani përmes një video nga atje, ka thënë se sonte do të zhvillojë disa takime, ku ka thënë se më i rëndësishmi është ai i pritjes nga presidenti i SHBA-së, Joe Biden, të cilin ka thënë se do ta falënderoj për mbështetjen e vazhdueshme .
“Është shumë me rëndësi që të kemi mundësi të marrim pjesë në organizime bashkë me liderët tjerë botërorë. Më e rëndësishmja do të jetë pritja nga presidenti Biden, ku do të kem mundësi ta falënderoj në emër të popullit të Kosovës për aleancën tonë dhe mbështetjen e vazhdueshme të SHBA-së”, është shprehur Osmani.
Ajo ka njoftuar se do të ketë edhe takime me mërgatën.
