Anijet e NATO-s do të fillojnë të ruajnë vendet kritike në Detin Baltik më vonë këtë javë, raportoi transmetuesi public finlandez YLE të mërkuren.
Rreth 10 anije, të cilat do të përfshijnë disa anije nga Flota Baltike e NATO-s në detyrë dhe disa të tjera që do vendosen nga disa vende të NATO-s, do të kryejnë misione patrullimi dhe mbrojtjeje në Detin Baltik deri në prill, sipas transmetuesit.
Duke vënë në dukje se anijet do të vendosen pranë kabllove të energjisë dhe të dhënave, transmetuesi tha: “ Ato pritet të krijojnë një efekt parandalues dhe të rrisin rrezikun pë rata që mund të sabotojnë kabllot”.
Incidentet e Detit Baltik
Deti Baltik ka qenë skena e disa incidenteve infrastrukturore të profilit të lartë që nga fillimi I luftës së Rusisë kundër Ukrainës në shkurt 2022, gjë që rriti tensionet në rajon.
Së fundmi, Finlanda raportoi se cisterna Eagle S ishte ndaluar në lidhje me incidentin e dëmtimit të kabllove nënujore që ndodhi në ditën e Krishtlindjes.
Autoritetet dyshojnë për anijen kineze Yi Peng 3, e cila lundroi mbi kabllot, ndërsa Kina mohoi kërkesen e Suedisë për të hetuar anijen.
Kablloja e nëndetësve Arelion, e cila lidh ishullin suedez të Gotland me Lituaninë, dhe kablloja e komunikimit të nëndetëses C-Lion 1 që kalon midis kryeqytetit të Finlandës, Helsinkit dhe qytetit trë Gjermanisë Rostok, u dëmtuan gjithashtu në mes të nëntorit pranë ujërave territoriale të Suedisë.
Zyrtarët europianë kanë sygjeruar se pas ndërprerjeve të fundit mund të jetë sabotimi, që potencialisht mund të jetë i lidhur me luftën e vazhdueshme të Rusisë kundër Ukrainës. Por, Kremlini i ka hedhur poshtë pretendimet, duke i quajtur “absurde”./AA
