Kryeministri i Kosovës, Albin Kurti ka uruar të gjithë besimtarët katolikë në ditën e madhe të ringjalljes së hyjit.
Përmes një postimi në Facebook, Kurti ka shkruar se Pashkët janë shpresë e ogur për një të ardhme më të mirë, raporton teve1.info.
“Paçi Pashkë të Bardha e t’Lume! Gëzuar për të gjithë besimtarët katolikë, ditën e madhe të ringjalljes së hyjit, ditën e përjetësisë! Pashkët janë shpresë e ogur për një të ardhme më të mirë, bashkë e në paqe. Le të na kujtojë kjo festë e shenjtë rëndësinë e harmonisë dhe të frymëzojë te ne kujdesin për tjetrin. Sot e përmot, Pashkët mbeten simbol i vlerave më të larta humane dhe fuqisë njerëzore për një jetë më të mirë për të gjithë”, thuhet në postimin e Kurtit./teve1.info/.
