Gjykata Themelore në Mitrovicë, dega në Leposaviq ka vendosur masën e dëbimit nga Kosova dhe ndalimit të hyrjes në Kosovë për periudhën 5 vjeçare.
ndaj dy qytetarëve me shtetësi të Rusisë,të cilët në Kosovë kishin hyrë në mënryë të paautorizuar.
Siç thonë nga kjo gjykatë, të dyshuarit kaluan paautorizim vendkalimet kufitare, andaj ndaj tyre është shqiptuar edhe masa e dënimit me gjobë.
“Gjykata Themelore në Mitrovicë-Dega e gjykatës Leposaviq , Departamenti i Përgjithshëm ka vendosur në çështjen penale kundër të pandehurëve K.A, i lindur me Damask,Siri me kombësi siriane,shtetësi siriane dhe ruse si dhe E.V.A e lindur në Moskë, Rusi me shtetësi ruse, të dy me vendbanim në Dubai, për shkak të dyshimit të bazuar se kanë kryer veprën penale Kalimi i paautorizuar i vendkalimeve kufitare ose vijës kufitare nga neni 140, par.1 i KPRK-së”
“Gjykata Themelore në Mitrovicë-Dega e gjykatës Leposaviq ka pranuar Aktakuzë nga Prokuroria Themelore Mitrovicë, Departamenti i Përgjithshëm me Kërkesë për dhënien e urdhërit ndëshkimor, të denimit me gjobë, kërkesë të cilën e ka aprovuar gjykata dhe sot me datë 07.05.2024 ka marr aktgjykim dënues, me të cilin, të pandehurëve ju është shqiptuar denimi në mbështjejte të dispozitave ligjore nga neni 140 par.1 si dhe ndaj tyre është shqiptuar dënim plotësues për dëbim nga Republika e Kosovës dhe ndalim hyrje në Kosovë për periudhën 5 vjeçare”, thuhet në njoftimin e kësaj gjykate.
