Ministrja e Drejtësisë Albulena Haxhiu, ka njoftuar se tashmë dhunuesit do të mbikëqyren me hallka elektronike.
Ajo përmes një statusi në Facebook është shprehur se tani mbikëqyrja do të jetë më e lehtë sepse hallkat elektronike do të jenë siguri më e madhe për vajzat dhe gratë viktima të dhunës.
“Jam jashtëzakonisht e lumtur që Ministria e Punëve të Brendshme ka arritur të nënshkruaj kontratën me Operatorin Ekonomik me qëllim të zbatimit të Ligjit për Mbikqyrjen Elektronike. Mbikëqyrja tani do të jetë më e lehtë e qytetarët më të sigurtë. Hallkat elektronike do të jenë siguri më e madhe për vajzat dhe gratë viktima të dhunës, dhunuesit do të monitorohen e rrjedhimisht nuk do të kenë mundësi t’u ofrohen atyre”, ka shkruar Haxhiu.
Me 1 korrik 2015, pra para 9 vitesh, kishte hyrë në fuqi Ligji për Mbikëqyrjen Elektronike.
