Ai në emisionin “Ditari” në Tëvë1, tha se të gjitha sindikatat dhe federatat kanë aprovuar që greva të mbahet më 12 maj rreth 1 orë.
Gjithashtu, bëri të ditur se tashmë janë në fazën e organizimit të të gjitha proceseve që do rrjedhin gjatë protestës, si dhe shpreson që pas kësaj ditë qeveria të reflektojë në lidhje me kërkesat e sindikatave.
“I kemi të gjitha informatat dhe konsulltat, të gjitha federatat dhe të gjitha sindikatat që janë në kuadër të bashkimi të sindikatave të Kosovës, e kanë aprovuar që greva të mbahet rreth 1 orë. Ne tani për tani jemi në fazën e organizimit të strukturimit të të gjitha proceseve që do të rrjedhin, sido që të jetë është në fazën fillestare, normalisht që është në orën e parë, besojmë dhe shpresojmë që kjo ditë të konsiderohet si një mesazh për qeverinë që të reflektojë në lidhje me kërkesat që i kanë sindikatat në përgjithësi”, tha Gashi në emisionin “Ditari” në Tëvë1.
Sipas tij, greva e 12 majit, do të jetë paralajmëruese për qeverinë, pasi që kërkesat e tyre ka kohë që i kanë diskutuar.
“Kjo është grevë paralajmëruese, e përcaktuar data 12 maj, prandaj unë dua të besoj që në qoftë se ekziston vullneti nga ana e qeverisë, atëherë ka kohë e hapësirë të ulemi e të bisedojmë pasi që kërkesat tona tashmë janë kërkesa të njohura dhe ka kohë që i diskutojmë”, tha tutje Gashi.
