Ai duke folur para një audience në Qendrën Italiane të Grave në Romë, luftën në Ukrainë e ka quajtur turpëruese, e cila sipas tij po shkon mbi “logjikën e vjetër të pushtetit që ende dominon të ashtuquajturën gjeopolitikë”, raportoi CNN, njofton teve1.info.
Tutje shtoi se sanksionet ndaj Rusisë dhe armatimi i vazhdueshëm i Ukrainës nuk janë zgjidhje për konfliktin, bota duhet të ridizajnojë mënyrën që ka zgjedhur për ta drejtuar atë.
“Tani është e qartë se politika e mirë nuk mund të vijë nga kultura e pushtetit e kuptuar si dominim dhe shtypje, por vetëm nga një kulturë e kujdesit, kujdesit për personin dhe dinjitetin e tij, dhe kujdesin për shtëpinë tonë të përbashkët. Përgjigja e vërtetë nuk janë armët e tjera, sanksionet e tjera, aleanca të tjera politiko-ushtarake, por një qasje tjetër, një mënyrë tjetër e qeverisjes së botës tashmë të globalizuar – duke mos treguar dhëmbët, si tani”, ka deklaruar Papa.
Që nga fillimi i konfliktit Ukrainë-Rusi, qindra civilë, e në mesin e tyre edhe shumë fëmijë kanë vdekur nga bombardimet e vazhdueshme të forcave ruse.
