Megjithatë, EULEX ka shkruar se kërkesës së Policisë së Kosovës për tu dërguar furnizime thelbësore, u janë përgjigjur pozitivisht më 17 dhjetor në koordinim me KFOR-in.
“EULEX-i ka pranuar një kërkesë nga Policia e Kosovës për të ndihmuar në ndërrimin e turneve të zyrtarëve të Policisë së Kosovës. Deri më sot, Misioni nuk ka ofruar një ndihmë të tillë. Megjithatë, EULEX-i iu përgjigj pozitivisht një kërkese të Policisë së Kosovës për dërgimin e furnizimeve thelbësore për policët e Kosovës në pikën e përbashkët të kalimit në Rudnicë/Jarinjë. Dorëzimi u bë më 17 dhjetor në koordinim me KFOR-in”, thuhet në përgjigjen e tyre.
Ndërsa, Kryetari i Sindikatës së Policisë së Kosovës, Imer Zeqiri, për Tëvë1 ka thënë se pjesëtarët e PK-së që kanë mbetur në Jarinjë dhe Leposaviq, po qëndrojnë me moral dhe vullnet të lartë.
Por, pavarësisht kësaj ai ka thënë se kanë bërë kërkesë nga KFOR-i që të bëhet ndërrimi i tyre dhe se janë duke pritur përgjigje.
Zeqiri ka shprehur shqetësimin se pse KFOR-i po heziton të asistoj në ndërrimin e tyre. Ai ka thënë se Policia e Kosovës ka kapacitete për të bërë këtë zëvendësim, sikurse edhe për largimin e barrikadave.
“Shqetësimi jonë është se pse KFOR-i po heziton të asistoj në ndërrimin e tyre, ndërsa menagjmenti i policisë ka bërë planet e veta dhe jemi duke pritur një aprovim të një kërkese për ndërrimin e zyrtarëve policorë në këto dy lokacione. Kemi kapacitete logjistike dhe njerëzore qe ne ta bëjmë atë ndërrim, kemi kapacitete që edhe barrikadat ti largojmë por jemi duke pritur një vendim të Qeverisë dhe partnerëve ndërkombëtar”, ka thënë ai për Tëvë1.
Ndërsa, EULEX-i të martën ka dorëzuar furnizime thelbësore për policët e Kosovës në pikën e përbashkët të kalimit në Rudnicë./teve1.info/
