Dy vetura janë djegur të hënën para mesnatës në një auto sallon në Çagllavicë.
Rasti në polici është lajmëruar nga pronari i auto sallonit.
Ndërsa, sipas Policisë së Kosovës pas shikimit të kamerave është parë se zjarri është shkaktuar nga dy persona.
“Në vendin e ngjarjes kanë dalë njësitë relevante policore dhe zjarrfikësit të cilët e kanë shuar zjarri. Pas shikimit të kamerave të sigurisë është vërejtur se zjarrin e kanë shkaktuar – kanë djegur veturat dy persona të panjohur të cilët kishin shkuar aty me një veturë të panjohur”, thuhet nga policia.
