Lulet e bardha po vendosën para pllakës përkujtimore të Mon Balajt dhe Arben Xheladinit.
E në nderim të tyre, po bëhet edhe një minutë heshtje.
Ky 10 shkurt shënon përvjetorin e 17-të të vrasjes së dy aktivistëve të Lëvizjes Vetëvendosje.
Të shtunën, përveç familjarëve, prezent ishin edhe krerët shtetërorë, ministra e deputetë të Vetëvendosjes.
Kryeministri, njëherësh kryetar i këtij subjekti politik, Albin Kurti kujton këtë ditë se çka ka ndodhur.
Ai thotë se protesta e tyre kundër pakos së Ahtisarit filloi paqësore por nuk përfundoi njëjtë.
Balajn e Xheladinin i kujtoi edhe kryetari i Kuvendit, Glauk Konjufca.
Ai thotë se ata janë dëshmorë të përpjekjes së vazhdueshme të popullit të Kosovës që shteti të jetë i barabartë.
Homazhet vazhduan edhe tek varrezat e Arben Xheladinit dhe Mon Balajt.
Më 10 shkurt 2007, dy aktivistët e Lëvizjes Vetëvendosje Arben Xheladini dhe Mon Balaj mbetën të vdekur pasi u qëlluan me plumba gome nga policët rumunë të misionit të UNMIK-ut derisa po protestonin kundër negociatave të Kosovës me Serbinë dhe Pakos së Ahtisarit.
