Një 17 vjeçar është gjobitur, pasi i njëjti nuk i është ndalur patrullës policore dhe më pas ka shkaktuar një aksident trafiku në Ferizaj.
Sipas njoftimit të Policisë, i dyshuari duke drejtuar një automjet të tipit VË Golf me targa vendore, nuk është ndalur patrullës së policisë.
Tutje, thuhet se ai ka vazhduar lëvizjen dhe në rrugën magjistrale, në fshatin Bibaj të Ferizajt, ka shkaktuar aksident trafiku me dëme materiale, pasi është përplasur me një automjet tjetër.
Gjatë kontrollit policor është konstatuar se i dyshuari nuk posedonte patentë shoferi, ndërsa automjeti që drejtonte ishte i paregjistruar, me afat regjistrimi të skaduar që nga 13 tetori 2024.
Policia e ka gjobitur me 150 euro për mosndalje në shenjën stop të Policisë, 250 euro për shkaktim të aksidentit dhe 200 euro për ngasje të automjetit me afat të skaduar të regjistrimit
“Për shkeljet e kryera, policia ka shqiptuar gjoba në vlerë totale prej 600 eurosh: 150 euro për mosndalje në shenjën “STOP” të policisë, 250 euro për shkaktim të aksidentit dhe 200 euro për drejtim të automjetit me regjistrim të skaduar. Po ashtu, është iniciuar rast për gjykatë për kundërvajtje për drejtim të automjetit pa patentë shoferi, ndërsa automjeti është konfiskuar përkohësisht”, thuhet në njoftim./teve1.info/
