17-vjeçari nga Kosova, i cili të premten e plagosi me thikë mësuesen e tij në Essen të Gjermanisë, tashmë ndodhet jashtë rrezikut për jetën, raporton “Waz.de”.
I riu ishte plagosur rëndë gjatë arrestimit nga policia gjermane.
Të hënën, Policia e Bochumit – që ka marrë përsipër hetimin – njoftoi se gjendja e tij është stabilizuar, por ai vazhdon të qëndrojë i shtruar në spital.
Deri tani, Prokuroria dhe Policia e Essenit nuk kanë dhënë asnjë koment lidhur me motivet e sulmit.
Edhe mësuesja e sulmuar mbetet jashtë rrezikut për jetën. Ajo ishte dërguar të premten në Spitalin Universitar të Essenit, ku iu nënshtrua një ndërhyrjeje urgjente kirurgjikale.
