Në ditën më të rëndësishme të shtetit, Ditën e Çlirimit qytetarët do të mund të shohin parakalimin e njësiteve të FSK-se bashkë me ato të Policisë ne sheshet e kryeqytetit.
Kjo për nder të 25 vjetorit të vendosjes së paqes në Kosovë.
Ndërsa për herë të parë, pjesëtarët që do të jenë pjesë e kuadrateve të FSK-së që do të marshojnë është shumë i madh.
Poashtu, ata do të kenë pjesë të armatimit individual që nuk janë parë më herët nga qytetarët.
“1500 do të jetë numri i pjesëtarëve të FSK-së që do të parakalojnë në shesh me rastin e përvjetorit të Ditës së Çlirimit”, thuhet nga Ministria e Mbrojtjes.
Të gjithë këtë e sheh në interes të shtetit, ish ushtaraku Hysen Gecaj.
“Dëshiron me tregu kapacitetet e saj dhe me dërgu një mesazh tek ata të cilët i përcjellin këto gjëra dhe kuptohet që kjo është në interes të shtetit për të tregu se deri sa ka arritë dhe ku ka arritë me mbështetjen e forcave të veta që i ka”, shprehet Gecaj.
Sipas tij, rritja e numrit të parakaluesve ka për qëllim të tregojë zhvillimin e FSK-së.
“Kjo rritja numerike ka për qëllim të tregojë se një forcë çfarë ka qenë FSK më e vogël numerikisht, tani po rritet po zhvillohet edhe në aspektin numerik të personelit edhe të armatimit por edhe armatimeve që i posedon për momentin”
Me 12 qershor të vitit 1999, trupat paqeruajtëse të udhëhequra nga NATO-ja u futën në Kosovë.
Që nga atëherë, kjo cilësohet si dita e lirisë së Kosovës.
Ndërsa trupat e para që u futen në Kosovë ishin trupat e Mbretërisë së Bashkuar të Britanisë të cilët erdhën së pari në Kaçanik dhe vazhduan përshkimin e rrugës magjistrale deri në Prishtinë.
