Ambasadori i SHBA-së në Kosovë, Jeff Hovenier, ka thënë se ndan plotësisht shqetësimet me shefin e EULEX-it, Giovanni Pietro Barbano, për dorëheqjen e tre serbëve nga Policia e Kosovës.
Ai në një postim në Twitter ku ka shpërndarë postimin e shefit të EULEX-it, ka thënë se përkushtimi i tyre është për një polici multietnike të Kosovës
“Ndajmë plotësisht këto shqetësime dhe përsërisim përkushtimin tonë ndaj forcës policore multietnike të Kosovës. Siç e kam thënë shumë herë, Policia e Kosovës ekziston për t’i shërbyer të gjitha komuniteteve në Kosovë dhe zyrtarët e saj duhet të jenë në gjendje të punojnë pa frikësime”, ka shkruar ai.
Për dorëheqjet e pjesëtarëve të saj ende nuk ka njoftuar Policia e Kosovës. Teve1.info ka dërguar pyetje në adresë të PK-së, por deri në publikimin e këtij lajmi nuk kanë kthyer përgjigje.
74 policët e rinj, prej tyre 45 serbë kishin filluar punën më 24 korrik./teve1.info/
Fully share these concerns, and reiterate our commitment to Kosovo’s multi-ethnic police force. As I’ve said many times, Kosovo Police exists to serve all communities in Kosovo & its officers should be able to work free from intimidation. Closely watching these developments. https://t.co/UoLjNZZ7yX
— Ambassador Jeff Hovenier (@USAmbKosovo) August 17, 2023
