Shefi i Grupit Parlamentar të LDK-së, Arben Gashi, e ka kritikuar Kryesinë e Kuvendit e cila për më shumë se një orë nuk e ka filluar seancën plenare, duke pritur që të krijohen numrat që votojnë pro marrëveshjeve që janë në rend të ditës, raporton teve1.info
Gashi tha se kjo është e padrejtë dhe jodemokratike.
“Është e padrejtë të presim më shumë se 1 orë, duke pas parasysh që e kemi një pikë të rendit të ditës marrëveshjen në Ohër që do të diskutojmë. Është e padrejtë me etiketus e cili deputet si vepron. Mënyra si funksionon demokracia është që të filloj seanca pa e marrë parasysh se kush si voton”, tha Gashi.
Gashi këtë veprim e quajti të paarsyeshme, palogjikshme, antikushtetues dhe sipas tij, joparlamentar.
Ndërsa shefi i PDK-së, Abelard Tahiri, kërkoi nga deputetët që t’i votojnë tri marrëveshjet e para për të cilat duhen dy të tretat e votave.
Tahiri tha se ndër këto marrëveshje është edhe ndihma financiare për qytetarët e prekur nga vërshimet në komunën e Skenderajt dhe Mitrovicës, andaj kërkoi që të miratohen këto pika të rendit të ditës.
