Është liruar pak orë pas shoqërimit nga EULEX-i, Fahri Fazliu, të cilit i është konfiskuar telefoni, raporton teve1.info
Nipi i dëshmorëve të kombit, Bahri e Fazli Fazliu, Fahri Fazliu ishte shoqëruar mëngjesin e së mërkurës në EULEX, pasi kishte refuzuar ta dorëzonte telefonin.
Megjithatë, një gjë të tillë nuk e ka komentuar vet Specialja.
i pyetur nga Tëvë1, Zëdhënës i Zyrës së Prokurorit të Specializuar, Christopher Bennett, ka deklaruar se nuk ka koment për këtë çështje.
“Zyra e Prokurorit të Specializuar nuk ka koment”, ka thënë ai përmes një përgjigje me shkrim.