Si rast të ndarë e ka cilësuar këtë të muajit qershor, Prokuroria Themelore në Prishtinë, derisa ka dhënë detaje për verime e atëhershme.
“Ju njoftojmë se në qershor të këtij viti, e mitura fillimisht është raportuar në stacionin policor në Prishtinë si person i zhdukur, me ç’rast është njoftuar prokurori kujdestar nga Departamenti për të Mitur i kësaj prokurorie, i cili ka autorizuar policinë në ndërmarrjen e të gjitha veprimeve të nevojshme hetimore dhe e njëjta është gjetur e intervistuar në prezencë të punëtores sociale dhe mbrojtësit të viktimave, si dhe, më pas është dërguar në strehimore”, thuhet në njoftimin e Prokurorisë.
Hetimet për këtë rast, nuk kanë pushuar ende.
Për të përfshirët në dhunimin e 11-vjeçares më 27 gusht, në rast të një aktgjykimi dënues, ato pritet të dallojnë për shkak të moshave të ndryshme të të dyshuarve.
Sipas avokatit Burim Halili, kohëzgjatja e burgimit për ta është nga 10 deri në 20 vjet.
Në shenjë revolte ndaj institucioneve për këtë rast dhunimi, në mënyrë masive u organizuan protesta në Kosovë, Shqipëri e Maqedoni të Veriut.
Kronika e gazetares Florijeta Dernjani.
