Duke folur për kërkesën për themelimin e Asocoacionit të Komunave me Shumicë Serbe, deputetja Jeta Statovci nga Lista Guxo, ka thënë se duhet ta respektohet vendimi i Gjykatës Kushtetuese që i jep një përgjigje propozimit të marrëveshjes së 2015-tës.
Ndërkaq, sipas saj e dyta është që duhet të qëndrohet në kuadër të frymës kushtetuese që ka të bëjë me elementet e multietnicitetit.
“Duhet të qëndrojmë në kuadër të frymës sonë kushtuese që ka të bëjë me elementin e multietnicitetit edhe padyshim të kemi një qëndrim kundër çfarëdo segmentimi në bazë etnike, racore apo elemente tjera që nda ndajnë nga njëri tjetri e jo që promovojnë tutje frymën e integritetit”, tha ajo.
Statovci tha gjashtë pikëshi i kryeministrit Albin Kurti ka ardhur për të minimizuar efektet dytësore.
“Besoj që në kuadër të asaj që kemi trashëguar dhe në kuadër të asaj që po synojmë të arrijmë, andaj ka arritur edhe gjashtë pikëshi i propozuar nga ana e kryeministrit Kurti, në kuadër që të minimizohen efektet dytësore ose tretësore që mund të prodhojë një informacion i tillë”, është shprehur ajo në “Info Nata” në Tëvë1.
Ajo tutje ka thënë se “duhet të kemi një mundësi të diskutimin në kuadër të avancimit të të drejtave të pakicave, nëse ajo është çështje. Përkundër faktit që padyshim Kosova ka një prej kushtetutave më tolerante që ka bota, përfshirë këtu edhe në respektim të të drejtave të pakicave”.
“Një prej çështjeve të qarta është që nuk ka konsideratë në raport të një Asociacioni, e cila ka kompetenca ekzekutive, kjo duke respektuar vendimin e Gjykatës Kushtetuese edhe karakterin e shtetit tonë. Mirëpo, pa dyshim çdoherë në gatishmëri dhe në bashkëpunim me aktoret dhe me alatët tanë që të arrijmë te një zgjidhje e cila është sa më e përshtatshme mirëpo që nuk shkon edhe në dëm të sovranitetit dhe shtetfunksionimit të Kosovës”.
Ajo tutje është shprehur se “Kosova është një storje suksesi.
