Barrikadat në këtë pjesë janë larguar nga persona që po bartnin maska në fytyrë.
Mbrëmë presidenti i Serbisë, Aleksandar Vuçiq pas takimit me përfaqësuesit e serbëve të Kosovës njoftoi se barrikadat në veri do të hiqen brenda 24 deri në 48 orë.
Vendimin për heqjen e barrikadave e ka mirëpritur Franca dhe KFOR-i. Teksa për heqjen e barrikadave në veri ka reaguar edhe përfaqësuesi i Lartë i Bashkimit Evropian për Politikë të Jashtme e Siguri, Josep Borrell.
Borrell tha se diplomacia mbizotëroi në uljen e tensioneve në veri të Kosovës, teksa theksoi se dhuna nuk mund të jetë kurrë një zgjidhje. /Teve1.info/
