Kurti, tutje theksoi se shefi i diplomacisë evropiane, Josep Borrell po insiston që plani franko-gjerman të quhet propozim i BE-së, teksa shtoi se janë në një moment kur po flasin për një marrëveshje dhe normalizimin të marrëdhënieve mes Kosovës e Serbisë, raporton teve1.info
“Më 9 shtator të vitit të kaluar e kemi pranuar propozimin dhe unë besoj që brengat për sa i përket të drejtave të pakicave ne besojmë që është bazë e mirë, ky propozim për të vazhduar më tutje në negociata pra jemi në një moment kur flasim dhe diskutojmë për një marrëveshje, për normalizimin të plotë të marrëdhënieve midis Kosovës dhe Serbisë”, deklaroi Kurti.
Kryeministri Kurti, në konferencën e mbajtur me Kancelarin e Austrisë, Karl Nehammer tha se çështja e Asociacionit mund të adresohet sipas kushtetutës së Kosovës, e që sipas tij, kjo kushtetutë i ka dhënë shumë privilegje pakicës serbe, teksa përmendi edhe përpiluesit e Kushtetutës së Republikës së Kosovës.
Tutje, ai tha se në fjalinë e parë të Planit të Ahistarit thuhet se Kosova duhet të jetë shoqëri multietnike.
“Pra, Asociacioni njëetnik nuk është në frymën e atij plani ose kushtetutës sonë”, u shpreh Kurti.
“Çështja e Asociacionit mund të adresohet megjithatë sipas Kushtetutës së Republikës së Kosovës që i ka dhënë shumë privilegje pakicës serbe dhe që është përpiluar nga z.Ahtisari, pra ish-presidneti finlandez që ka fituar çmimin nobel dhe z. Abert Rohan në frymën e saj nuk lejon Asociacionin një etnik”, përfundoi Kurti.
