Përmes një komunikate për media EULEX ka njoftuar se këto pako me ndihma do tu shpërndahen qytetarëve të Ukrainës.
“Ky konvoj përbëhet nga 10 automjete të EULEX-it, të cilat do t’i dhurohen Misionit Këshillues të Bashkimit Evropian në Ukrainë (EUAM). Automjetet janë të ngarkuara me gjëra ushqimore dhe jo-ushqimore, përfshirë rroba, thasë gjumi, produkte për higjienën personale, dhe materiale mjekësore, të cilat do t’i shpërndahen qytetarëve të Ukrainës”, thuhet në njoftim.
Në ceremoninë e nisje së këtij konvoji do të marrin pjesë Zëvendëskryeministrja dhe Ministrja e Punëve të Jashtme dhe Diasporës, Donika Gërvalla-Schwarz, Shef i Misionit, EULEX, Lars-Gunnar Wigemark, Përfaqësues Kombëtar i Lartë i Ukrainës në KFOR, Major Ivan Nastenko.
Po ashtu bëhet e ditur se ky aktivitet do të filloj të në orën 11:00 të martën nga Selia e EULEX-it./Teve1.info./
