Sipas konkursit publik të shpallur në faqen e Ministrisë, atyre që aplikojnë nuk iu kërkohet as diploma e fakultetit e as përvoja e punës.
Në kushtet e vendosura nga ministria për ata që aplikojnë, kërkohet një diplomë e shkollës së mesme, nuk kërkohet përvoja e punës, por që duhet të kenë shkathtësitë kompjuterike në Word, Excel, Power Point.
Në konkursin e hapur thuhet se të pranuarit do të punojnë ‘Në Qendrat për Pajisje me Dokumente dhe Qendrat për Regjistrimin e Automjeteve në Komunat Kosovës’.
Sipas njoftimit, të drejtë aplikimi kanë të gjithë qytetarët e Republikës së Kosovës të moshës madhore, të cilët kanë zotësi të plotë për të vepruar, kanë përgatitjen e nevojshme arsimore dhe aftësinë profesionale për kryerjen e detyrave që kërkohen për pozitën përkatëse.
Paga e 50 personave që do të punësohen do të jetë 423.85 Euro (Bruto), ndërkohë periudha e Kontratës me afat të caktuar, prej një viti.
