Udhëheqësi i 10 kuzhinave humanitare dhe shërbimeve tjera humanitare në Rripin e Gazës thotë se vetëm 2 qendra për shpërndarje të ushqimit kanë mbetur të hapura pas bllokadës totale të ndihmave humanitare nga Izraeli.
“Kemi pasur 80 enë për çdo ditë që ju kemi shërbyer njerëzve, tash jemi duke punuar vetem me 20,” ka thënë për Al Jazeera, Omar Abuhammad, koordinatori me organizatën, Zemrat Heroike.
Ai tha se para bllokadës ata po dhuronin ushqim për rreth 40,000 njerëz në pjesën e Gazës qendrore, Deir al-Balah. Tash, vetëm 10,000 palestinezë janë duke i ushqyer.
“Fëmijët e mi qajnë në shtëpi nga uria dhe unë nuk kam çfarë t’u jap. Nuk kam mundësi të blej atë që na nevojitet. Thjesht nuk ka asnjë mënyrë për të mbijetuar”, tha Om Mahmoud, një grua palestineze e zhvendosur në Deir el-Balah.
UNICEF ka thënë se është kritike që Izraeli të hap korridorin për ndihmat menjëhere, pasi qindra mijëra fëmijë palestinezë janë në rrezik mbijetese.
Gaza me një popullsi 2.1 milionë pas luftës, 47 për qind e tyre fëmijë, po përballet me një krizë urie që rrezikon të përkeqësohet skajshmërisht, pas bllokadës 16-ditore të ndihmave ndërkombëtare nga Izraeli në përpjekje për t’i bërë presion Hamasit që të pranojë një marrëveshje sipas kushteve të tyre.
Hamasi ka akuzuar Izraelin se po përdor “urinë si një armë lufte”.
