Nagavci, njoftimin e bëri përmes një statusi në profilin e saj në Facebook, derisa shkroi se i përgëzon OJQ-të që merren me këta fëmijë dhe i inkurajon që të vazhdojnë edhe më tutje në përkrahjen dhe promovimin e talentëve.
Organizatat përfituese sipas Nagavcit janë: Organizata “Atomi” me mbi 33 mijë euro, “Astronomy Club of Kosova” dhe “Shoqata e Matematikanëve të Kosovës” me nga 30 mijë euro, “Shoqata Kosovare e Fizikës” me mbi 22 mijë euro, “ABSM” me mbi 18 mijë euro, “Cult Club” me mbi 17 mijë euro dhe organizata “Lyra” me mbi 16 mijë euro.
“E lumtur që edhe këtë vit po ofrojmë mbështetje për organizatat të cilat merren me përkrahjen e këtyre talentëve. Si Ministri do të vazhdojmë të financojmë projektet që kanë në fokus talentët tanë sepse përgatitja e tyre është hap i rëndësishëm edhe për fuqizimin e shtetit tonë. Vlera totale e kësaj përkrahjeje të MASHTI është rreth 170 mijë euro”, ka shkruar ndër të tjera Nagavci.
