Real Madrid ka konfirmuar zyrtarisht se Eder Militao ka nënshkruar një kontratë të re katërvjeçare me klubin e tyre.
Kontrata e mëparshme e qendërmbrojtësit brazilian ishte gati të skadonte vitin e ardhshëm, por ai e ka zgjatur qëndrimin e tij për një afat të gjatë.
Kontrata e tij e re tani do të skadojë më 30 qershor 2028.
“Real Madrid CF dhe Eder Militao kanë rënë dakord për të vazhduar kontratën e lojtarit tonë, i cili mbetet i lidhur me klubin deri më 30 qershor 2028”, thuhet në njoftimin e klubit mbretëror.
Militao iu bashkua Real Madridit në vitin 2019 nga Porto në moshën 21-vjeçare dhe që atëherë është bërë një lojtar kyç për skuadrën e parë.
Ai ka bërë 143 paraqitje për Los Blancos gjatë asaj periudhe, duke fituar nëntë tituj – ku përfshihen La Liga dhe Liga e Kampionëve.
Militao aktualisht është jashtë fushe për shkak të një dëmtimi, por pritet të kthehet në lojë diku në mes të muajit shkurt.
