Blerim Vela, Shefi i Stafit të Presidentes Vjosa Osmani, përmes një postimi në Tëitter ka fajësuar Serbinë për sulmet, duke shtuar se synojnë të destabilizojnë situatën e sigurisë dhe politike në Kosovë.
“Ditët e fundit, Serbia dhe strukturat e saj kriminale kanë kryer disa sulme kundër Policisë së Kosovës në veri. Këto veprime të shoqëruara me tentativa dezinformuese synojnë të destabilizojnë situatën e sigurisë dhe politike në Kosovë. Ata do të dështojnë, shteti i së drejtës do të mbizotërojë” ka shkruar Vela.
