Zyra e presidentit të Francës, Emmanuel Macron ka thënë se çështja e liberalizimit të vizave për Kosovën mbetet e hapur.
Në një përgjigje për ABC news është thënë se kjo çështje është një proces teknik dhe diskutim që duhet bërë me partnerët ndërkombëtarë.
“Presidenti ka folur për tensionet mes Serbisë dhe Kosovës. Ai tha se cilat ishin kërkesat tona. Në këtë kontekst dhe duke marrë parasysh bllokadën e Prishtinës, presidenti vlerësoi se çështja e liberalizimit të vizave mbetet e hapur. Për më tepër, është një proces teknik dhe një diskutim që duhet bërë me partnerët tanë evropianë”, është bërë e ditur nga zyra e Macron.
Sipas përkthimit zyrtar, është deklaruar se Macron ka njoftuar se Franca ka pezulluar liberalizmin e vizave për Kosovën.
Ai ka thënë se kjo është bërë për shkak të mosmbajtjes së fjalës për respektim të marrëveshjes dhe depërshkallëzim të situatës në veri.
“E them më shumë qartësi ne ju kemi besuar për çështjen e vizave, çështja është pezulluar nga ana e Francës, sepse ka të bëjë me respektin e fjalës së dhënë, dhe fjala e dhënë nuk po mbahet, pres të angazhohen të dyja palët që të ecin përpara në javët e ardhshme sepse është kushti i paqes në gjithë zonën”, është shprehur Macron në një konferncë për media në Tiranë, bashkë me kryeministrin Rama.
