Zyra e Bashkimit Evropian në Kosovë, ka konfirmuar vizitën dy ditore në Kosovë të Miroslav Lajçak, i dërguar i BE-së për dialogun Kosovë – Serbi.
Në një përgjigje për teve1.info nga kjo zyrë nuk janë dhënë detaje për agjendën e tij në Kosovë.
Lajçak në Kosovë do të mbërrijë të hënën, ndërsa siç ka raportuar REL, ai do të takohet me liderët kosovarë për të biseduar për draft-statutin e Asociacionit të komunave me shumicë serbe dhe çështje tjera.
Takime pritet të ketë edhe me përfaqësues opozitarë.
Për vizitën e Lajçak ende nuk ka ndonjë konfirmim nga Qeveria e Kosovës. Teve1.info ka pyetur zëdhënësin e Qeverisë Përparim Kryeziu, por deri më tani ai nuk konfirmuar një vizitë të tillë.
Vizita e Lajçak në Kosovë, vije pas një takimi të mbajtur javë më parë në Bruksel, kur kryeministri i Kosovës, Albin Kurti dhe presidenti serb, Aleksandër Vuçiq, zhvilluan takime të ndara me liderët evropianë.
Pas këtij takimi kryeministri Kurti tha se ishte i gatshme të nënshkruante marrëveshjen, përfshirë edhe draftin e statutit të Asociacionit të propozuar nga BE e SHBA, por që për një gjë të tillë nuk ishte i gatshëm Vuçiq./teve1.info/
