Sipas tij, po të priteshin lëvizjet e Qeverisë do humbej krejt viti shkollor.
“Është treguar defakto se po të pritshin ndryshime ose lëvizjen e Qeverisë pati me mbet ky popull edhe tre muaj, edhe me hup krejt viti shkollor. A administrata pati me mbet pa punë fare dhe nuk pati lëvizje nga ana e Qeverisë. Prapë janë sindikalistët ata që edhe në të kaluarën edhe para luftës, edhe që pas luftës kanë menduar, mendojnë dhe veprojnë në interes të këtij populli”, tha ai në “Këndi i Debatit” në Tëvë 1.
Zymberi shtoi se janë të gatshëm të punojnë edhe pa pagë fare, por kur bëhet fjalë që të drejtat t’i gëzojnë të barabartë.
Më 1 tetor, përfaqësuesit e sindikatave të punëtorëve kanë ndërprerë grevën e filluar nga 25 gushti, shkak i pakënaqësive në paga. /Teve1.info/